الحب لــ السعودية

....
 
الرئيسيةالبوابةس .و .جبحـثالأعضاءالمجموعاتالتسجيلدخول

شاطر | 
 

 دثريني يامنيره .قصيده للشاعر ناصر الفراعنه

اذهب الى الأسفل 
كاتب الموضوعرسالة
أبو سعود

avatar

المساهمات : 45
تاريخ التسجيل : 16/03/2008

مُساهمةموضوع: دثريني يامنيره .قصيده للشاعر ناصر الفراعنه   السبت أبريل 05, 2008 10:08 pm

قصيدة ناصر الفراعنه







دثريـنـي يامنـيـره زمليـنـي يامـنـيـره
يامنيره في فـوادي فـرخ عبـدٍ طـق زيـره
من هنوفٍ صوبها راع الهـوى يشعـب بعيـره
سيـدة سـادات قـومٌ سـادةٌ أبـنـاء ســاده
من بهاها يامنيره ويش أوصـف ويـش أخلـي
في جبين الطهـر منهـا بـدر سبتيـن متجلـي
هالةٍ دون المصلـى أخلفـت وجـه المصلـي
في محاجرها عقيد القـوم يومـي بـه جـواده
الحجـاج هـلال ماهـو فـي أهلتنـا مقـيّـد
من يشوفه قبـل لا يبـدي هـلال العيـد عيّـد
لا متى والموت حدر رموشها السـود يتصيـد
لا متى ذبح البشر عند العيـون السـود عـاده
دوب يانـع وردهـا فـي روض لبتهـا تفتـق
في سحر منطوقها صرفٍ من الـراح المعتـق
وكن ظفايرها علـى الغـره ليـا قامـت تنتـق
خدم أسودٌ وقـوفٌ حـول بنـت البيـه غـادهٌ
ياوجـودي يالزبـاد الزبـد يالبيـض المقشـر
يوم حازت من أمامي عمـد وأحمـر المؤشـر
مـا أنـا إلا أخـو عقـمٍ بمـولـودٍ مبـشـر
من سروري يوم أعانق طيفهـا فـوق الوسـاده
كن أصابعها مـن العنـاب أو بسلـن عراقـي
أو غلا أحشامٍ مجفف أو قنانـي خمـر ساقـي
وكن ترايبها صحاف الترك حمـران الطواقـي
في سنا نور رقبتها ذابـت أكثـر مـن قـلاده
فتنةٍ من شافها في جو سابـع عـرش عـرّش
كاد ناعم ثوبها في جسمهـا الغـض يتحـرّش
مرحبـا يامرحبـا يامرحبـا بالطـش والـرش
بالحرير الحر والغـرو الغريـر الغـر عـاده
كل ما تكبـر تزيـن وكـل مـا تقـدم تجـدد
كن نحرهـا مـن وراء بوابـة الثـوب يتهـدد
حجم ناحل خصرها في ردفها لاجيـت أحـدد
حجم نقطة نون داخل نـون مـا تقبـل زيـاده
بيـن خصـرٍ إشتـراكـيٍ وردفٍ رأسمـالـي
ويل ويلي شيب عيني طر جيبـي ويـل حالـي
كل غضٍ في نحرهـا شايـفٍ نفسـه معالـي
والثنينيـن بصراحـه يستحـقـون الإشــاده
كن عايـم صدرهـا فـي وقفتـه قـرمٍ ينـادي
في خضم المعركه هل من مبـارز أو معـادي
من غروره يعتبر كل مـا نقولـه فيـه عـادي
يامصابيح الرواهب مـن بياضـه فـي سـواده
من مـزاج الزنجبيلـه فـي شفـاه السلسبيلـه
أورد الساعـي كليـبٌ حتفـه نظـم الجليـلـه
جمرةٍ فـي روح تمـره ضيعـت أبـو دليلـه
قايـدٍ حـاذاه قايـد ريـم وأنـسـاه القـيـاده
مـن ليونتهـا كـأن مالـه ولا عظـمٍ جسدهـا
ومن نعومتها تخاف خدودها مـن لمـس يدهـا
ومن كثر ما مشيها جذاب مـا تمشـي وحدهـا
ومن كثر ما جلدها صخيفٍ تحب اللبـس سـاده
ويش يسوى المسك وأبو المسك مع ريحة عرقها
يوم ذبت شالها وأهتـز فـي الملعـب حلقهـا
مـا كـأن الله مثـل باقـي مخاليقـه خلقـهـا
فتنةٍ كانـت طقـوس القصـر تعبدهـا عبـاده



تقبلوووو تحيــــــــــــــــــــــــــاتي
أبووووووووووووو سعوووووووووووود
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
دثريني يامنيره .قصيده للشاعر ناصر الفراعنه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الحب لــ السعودية  :: الشعـر والقصيـد :: شاعر المليـون-
انتقل الى: