الحب لــ السعودية

....
 
الرئيسيةالبوابةس .و .جبحـثالأعضاءالمجموعاتالتسجيلدخول

شاطر | 
 

 قصيدة للشاعر المبدع / صالح المانعه المري

اذهب الى الأسفل 
كاتب الموضوعرسالة
أبو سعود

أبو سعود

المساهمات : 45
تاريخ التسجيل : 16/03/2008

مُساهمةموضوع: قصيدة للشاعر المبدع / صالح المانعه المري   الجمعة مارس 21, 2008 10:56 pm

هذه قصيدة للشاعر صالح آل مانعة المري وهي من اروع القصائد التي قرأتها في الساحه الشعريه الا وهي ساحه الشعر النبطي





الضيقة اللي مالهـا حـزه ولا منهـا مصـد
أخا ف ساعـات العصيـر المقبلـه تاتيبهـا
يالله دخيلك من قسى وقتي وحـظٍ ماصمـد
.في وجه صكات اليالي يـوم يقنـب ذيبهـا
واعوذ بك من فتنة الدنيا ومن ضيق اللحـد
واسئلك عن نفسي من الشيطـان لايغويبهـا
وسئلك تفغرلي ولصحابـي ولعدائـي بعـد
تعفو عن ذنوبٍ نجي فيهـا وحـن ندريبهـا
الوقت يشعاني على الطرقه وانا مافـي جهـد
.شهب اليالي تقهر صدور الرجـال بغيبهـا
لكن انا لو جارت ضروفـي وزادت بالعـدد
اضرب بها الحايط طناخة راس ولا اشكيبهـا
واعز نفسي مع مداغيش النشامـا واجتهـد
لى ظـروفٍ تجلـب الضيقـه ولا تسريبهـا
والبارحه في راس مشرافي ولا افكـر فأحـد
كني ملكت الأرض مـن شروقهـا لمغيبهـا
قعدت افكر فالسنين اللي مضت واللي بعـد
ليييه السنين التاليه تفشـل ويفشـل صيبهـا
وليه الرفيق اللي ليـا منـه تجمـل ماجحـد
ان ماذكرها لك .. مع كل العرب يحكيبهـا
ياحيف يارفقة ضعيف النفس مافيهـا سنـد
مالله بجابرني علـى رفقتـك ويـش ابغيبهـا
لاسرت تطعنني بشلفـاك الرهيفـه وتخمـد
فالطعنـه اللي فالظهر مانيب مـن يغزيبهـا
لو دامت افعالك كذا ردت لك الدنيا لـدد
حافظ على سمعتك مـن فعلتـك لاتقفيبهـا
الرجل لامنه نـوى يغـزي ينـوّه ويهجـد
ماهوب يغزي وان رجع هزل العلوم يجيبهـا
لكن ياطلق الحجاج اللـي عيونـك ماتلـد
الا لروس النايفـات اللـي مهـو يبديبهـا
كون الحرار الشقر وعيال الذيابـه والأسـد
ولا الرجال اللي مع العريف يذكـر طيبهـا
اسئل رفيقك من بعد مغزاه قله وش حصـد
غير العلوم اللي ماتطلق وجه مـن يمشيبهـا
عزالله انه كان فعيون النشامـا مثـل اُحـد
واليوم مثل الحيـة اللـي تنعـرف بجنيبهـا
حاولت اكذب بالخبر لكن على غمي وكـد
والسالفـه قام الزمـان المنحـرف يدويبهـا
لكن على كلاً ياحامد كانك بتاتي .. حمـد!!
قله ترا البندق من المؤسـف تثـور بجيبهـا
البندق اللي ماتصوب كون ابن عـم وولـد
عيبٍ على الرجال ينقلهـا ويجهـل عيبهـا
لاسارت البندق مع عاقل وهي فيهـا صـدد
كبرت خسايرها عليـه اليـا قعـد يرميبهـا
وشلون لاسارت مع جاهل وفعيونه رمـد!!
لا و الله الا راحت الدنيـا وراح اللـي بهـا
رفقة مثل هذا وهـذا كلهـا كيـد ونكـد
ولا تحـرا مـنّـه الا نكـبـةٍ يضويبـهـا
ماكنه الا العقرب اللي ذيلهـا كلـه عقـد
ان روّعتـك بزولهـا ولا قرصـك ذنيبهـا
لكن تعال اعلمـك ياصـاح بعلـومٍ جـدد
.لو تزعلك بعض النقط... لايزعلك نطقي بها
اشره على العاقل لياشفتـه بجرحـي يعتمـد
ولا العلوم الباقيـه مانيـب مـن يحريبهـا
البيت مايبنى بدون اطناب..وحجاب..وعمد
والنار مـن شبابهـا والخيـل مـن ركيبهـا
وأنا عيوني للطليعة فـوق ..معطتنـي عهـد
والأرض تكره مشيتـي وانـا بعـد ماليبهـا
لاسار في راسي سحابة شعرو بروق ورعـد
وشلون تبغى الأرض تصفالي وانـا موذيبهـا
شاعر واشوش لصيحة الجمهور وانحت في جلد
وان صفق الجمهور جزلات البيوت ارهيبهـا
اغزي على بيت الشعر في عقر داره ويهجـد
من هيبتي عنده بيوت الشعر لـي يصخيبهـا
كذا كذا الشاعر يجي فالشعـر قمـه للأبـد
ولا بـلاش يلخبـك الأبيـات ويهذريبهـا
الشعر مثل الموج ودقاق الشعر مثـل الزبـد
ولا الدرر في غبـةٍ بعـض الرجـال تهيبهـا
وانا بحاول قدر الأمكـان اتعمـق وابتعـد
وان قلت لك باجيبها في ذا الشنب لاجيبهـا
شاعر مفوّه واسبح الغبـه وابشـر بالسعـد
واكسب دررها كسب.مابيّع بهـا واشريبهـا
لأن الشعر مثل البلد وانا مثل حاكـم بلـد
وبلادي اسجل تواقيعـي بهـا واسمـي بهـا
وانا فقط شاعر ولا ابغى لي بلد لـو تنّوجـد
ابلادي حروف القصيد اصبح بها وأمسيبهـا
واسجد لوجه الله واقول ارجوك يافردٍ صمد
تعفو عن ذنوبٍ نجي فيها وحن نـدري بهـا



إنشاااااء الله نالة إعجابكـــــم

تقبـــــلوووووو تحيـــــــــــــــاتي
أبووووووووووووو سعوووووووووووود
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيدة للشاعر المبدع / صالح المانعه المري
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الحب لــ السعودية  :: الشعـر والقصيـد :: الشعر-
انتقل الى: